Vritet një udhëheqës i lartë i al-Qaidas

Numri tre i al-Qaidas në Afganistan, Mustafa Abu al-Yazid, thuhet se është vrarë sipas njoftimeve.
Faqet islamiste të internetit citojnë një deklaratë nga al-Qaida se Mustafa Abu al-Yazid, i njohur gjithashtu si Sheikh Said al-Masri ka vdekur bashkë me gruan e tij, tre fëmijët dhe një numër burrash, grash e fëmijë të tjerë.

Hollësitë tjera nuk janë bërë të ditura.

Në të njëjtën kohë, zyrtarët amerikanë në Washington thonë në kushte anonimiteti se ata besojnë se i njëjti ishte vrarë së voni në zona fisnore në Pakistan, që kanë qenë shënjestër e sulmeve amerikane.

Zyrtarët amerikanë shpesh i referohen Mustafa al Yazidit, i lindur në Egjipt, si udhëheqësi i tretë i al-Qaidas, megjithëse njoftimet e mëhershme për vdekjen e tij kanë rezultuar të jenë të parakohshme. /BBC/