Jahjaga takohet me udhëheqës e zyrtarë shtetesh

Presidentja e Republikës së Kosovës Atifete Jahjaga, gjatë
qëndrimit në Vilnius të Lituanisë u takua me përfaqësuesen e lartë të
BE-së për Politikë të Jashtme dhe Siguri, Catherine Ashton, me të cilën
diskutoi për çështje me rëndësi.Në takimin ishte i pranishëm edhe ministri i Punëve të Jashtme i Republikës së Kosovës, Enver Hoxhaj.
Presidentja Jahjaga e cila po merr pjesë në konferencën “Gratë
përforcojnë demokracinë: praktikat më të mira”, në Vilnius të Lituanisë,
pati një varg takimesh me zyrtarë të lartë institucioneve dhe udhëheqës
shtetesh.
Ajo takoi gjithashtu kryetaren e Kuvendit të Letonisë, Salvita
Aboltina. Në një bisedë të gjatë dhe miqësore, presidentja Jahjaga dhe
kryetarja Aboltina diskutuan për bashkëpunimin mes të dy vendeve tona
dhe për intensifikimin dhe zgjerimin e këtij bashkëpunimi në të ardhmen.


Gjithashtu, Presidentja Jahjaga, në margjinat e konferencës, u takua
me presidentin e Mongolisë, Elbegdorj Tsakhia, me të cilin gjithashtu
diskutoi për një varg temash me interes. /Telegrafi/