Pilula kundër plakjes vjen për dhjetë vjet?

Rinia e përjetshme është gjithmonë temë për të cilën është vështirë të
diskutohet sepse sëmundjet dhe pafuqia që vijnë me vite frustrojnë
njerëzit në moshën e mesme. Tani ekspertët për plakje janë të sigurt që
janë në gjurmë të ilaçit i cili do të mundësonte jo vetëm zgjatjen e
jetës, por edhe plakjen me dinjitet e me forcë të plotë.

Gjenetika
në dhjetë vitet e fundit ka përparuar aq shumë sa që janë gjetur gjenet
kyçe të lidhura me jetëgjatësinë dhe shëndetin, ndërsa hulumtimet në
kafshë kanë treguar që është e mundshme të ndikohet në to. Një nga
shembujt më të pabesueshëm të përparimit në shkencë është hulumtimi të
cilin e ka kryer ekipi i ekspertëve në Harvard duke rinuar minjtë sipas
shembullit në film “The curious case of Benjamin Button”.

Me
fillim të eksperimentit, lëkura, truri dhe organet tjera të minjve ishin
të njëjta si tek personi i vjetër 80-vjeçar. Pasi që dy muaj kanë marrë
ilaçin i cili ka ndikuar në enzimat kyçe, organizmi i minjve i
përfshirë në eksperiment ka ndërtuar aq shumë qeliza të reja saqë trupi
gati tërësisht është rinuar. Për më tepër, në fillim ata minj ishin
jopjellorë ndërsa deri në fund të eksperimentit kanë bërë shumë
pasardhës.

Hulumtimet tjera kanë treguar që reaksionet zinxhir
në trup të cilat përfshijnë insulinën dhe hormonet e lidhura kanë ndikim
kyç në shëndet dhe plakje, kështu që në fakt të gjitha hulumtimet të
lidhura me diabet kanë dhënë medikamente të cilat mund të shndërrohen në
medikamente kundër plakjes.

Parimi është menduar ashtu që
ilaçet duhen të fillojnë të merren kur personi të vijë në vitet e moshës
së mesme, që me ndihmën e tyre të parandalohet shfaqja e sëmundjeve të
cilat janë efekte anësore të plakjes dhe të cilat shkaktojnë degradim të
mëtejshëm të trupit të njeriut. Sipas deklaratave optimiste të
ekspertëve, ilaçet e tilla duhen të jenë në dispozicion për dhjetë
vjet.