Aprovohen 23 kërkesa për ndihmë në riintegrim

Bordit ekzekutiv për riintegrimin e personave të riatdhesuar në Kosovë mbajti takimin e radhës në Ministrinë e Punëve të Brendshme, me ç’rast u shqyrtuan 47 kërkesa të personave të riatdhesuar, që kanë të bëjë me ofrimin e ndihmës gjatë riintegrimit të tyre, nga të cilat u aprovuan 23 kërkesa, konform kritereve të përfitimit nga Programi për ri-integrim.

Në këtë takim morën pjesë Sekretarët e Përgjithshëm të ministrive të Qeverisë së Kosovës të përfshira në procesin e riatdhesimit dhe ri-integrimit, përfaqësues të organizatave ndërkombëtare, zyrtarët e Sekretariatit të Bordit si dhe zyrtarë të tjerë të lartë qeveritarë.

Gjatë këtij takim u diskutuan edhe pikat tjera që i kontribuojnë procesit të ri-integrimit të personave të riatdhesuar.

Takimi i radhës i Bordit për Ri-integrimin e Personave të Riatdhesuar do të mbahet në muajin e ardhshëm. /Telegrafi/