PK merr përgjegjësin në vijën kufitare me Maqedoninë

Në zonën kufitare të Zllakuqanit të Ulët u organizua ceremonia zyrtare e pranim– dorëzimit të vijës kufitare nga KFOR-i tek Policia e Kosovës.

Komandanti i KFOR-it, Gjeneral Erhard Buhler në këtë ceremoni zyrtare bëri finalizimin e procesit të pranim-dorëzimit të vijës kufitare tek drejtori i Përgjithshëm i Policisë së Kosovës, Reshat Maliqi.

Policia e Kosovës pas marrjes së plotë të përgjegjësisë nga KFOR-i të vijës kufitare me shtetin e Shqipërisë të cilën e ka realizuar kohë më parë, tani pranoi edhe marrjen e përgjegjësisë së plotë të vijës kufitare me Maqedoninë, ndërkaq në një të ardhme të afërt pritet të vazhdojë marrjen e përgjegjësive tjera me Malin e Zi. /Telegrafi/