Fotografitë e para të Citroënit të ri C4

Ani pse deri në panairin e automjeteve të Parisit kanë mbetur më shumë se tre muaj, Citroën nuk ka mundur të durojë dhe na i ka shfaqur fotografitë e para të gjeneratës së re të modelit C4.
Konkurrenti francez në klasën e ashtuquajtur Golf, gjykuar sipas fotografive, duket si modeli konceptual të cilin Citroën na e kishte paraqitur në panairin e Gjenevës, ai DS Highrider. Asgjë për tu habitur, kur merret parasysh se Citroën do të shfrytëzojë platformën e tij edhe për zhvillimin e modelit më luksoz dhe pamjen e modelit diç më të avancuar DS4, mu ashtu siç kishte bërë edhe me modelet C3 e DS3.
Modeli i ri C4 është rritur në dimensione. Krahasuar me paraardhësin e tij, ky automjet është për 55 milimetra më i gjatë, më i gjerë për 17 milimetra dhe më i lartë për 32 milimetra. Francezët lavdërohen edhe për rritjen e hapësirës së bagazhit për 80 litra, në gjithsej 400 litra.
Pos ridizajnimit të theksueshëm të eksterierit, ndryshime më të mëdha i ka përjetuar enterieri ku pajisjet kontrolluese nga pozita e mesme në konzolë më në fund janë vendosur para vozitësit, e vet timoni nuk ka pjesë të fiksuar në mes, por ka ndërtim konvencional
Në raportin e lëshuar për media, Citroën nuk përmend motorët të cilët do të gjenden nën kapakun e modelit C4, mirëpo mbetet të pritet që, pos paletës standarde të motorëve me turbo-mbushës me naftë e benzinë, për herë të parë ai do të ketë një zgjidhje hibride të kombinuar në mes motorit me naftë dhe elektrik nga grupimi PSA. Automjeti do të duhej të del në shitje qysh në vjeshtën e këtij viti.