Marrëveshjet e para, më 14 dhe 15 qershor?

Shefi i ekipit negociues serb, Borislav Stefanovic ka deklaruar se bisedimet me Prishtinë kanë hyrë në fazën e arritjes së marrëveshjeve të para konkrete të cilat duhet pritur që më 14 dhe 15 qershor.

“Presim që rezultatet e para të negociatave të jenë marrëveshjet për lirinë e lëvizjes, për kadastrën dhe librat amzë. Për zgjidhjet që propozojmë kemi marrë mbështetjen e komunitetit ndërkombëtar”, ka thënë Stefanovic, duke folur në Këshillin parlamentar për Kosovën në Kuvendin e Serbisë, transmeton QIK.

Por Stefanovic ka theksuar se asgjë nuk është arritur, si dhe që vizita e paradokohshme e shefes së diplomacisë evropiane Catherine Ashton “nuk ka lidhje me konkretizimin e marrëveshjes”.

Sipas tij, çdo marrëveshje do të zbatohet vetëm nëpërmjet vendimit të qeverisë. Stefanovic ka shprehur bindjen se edhe veriu i Kosovës herët a vonë do të jetë në rend dite. /Telegrafi/