Përmendja e 1244-shit, kapje për kashte e të mbyturit!

Kryetari i Partisë së Ripërtëritjes serbe (SPO ) Vuk Draskovic
ka deklaruar se Serbia duhet të pranojë realitetin dhe ta mbrojë atë me
papunësi e varfëri të zvogëluar. Ai ka thënë se Kosova mbrohet në Serbi
ashtu që Serbia t’iu kthehet zgjidhjes së problemeve dhe telasheve të
veta duke vendosur evropiane dhe duke kthyer buzëqeshjen në fytyrat e
njerëzve.“Ta forcojmë Serbinë duke e bërë çdo ditë më të
fuqishme. Kjo është rruga për ta mbrojtur Kosovën”, ka porositur
Draskovic duke kremtuar Ditën e Vidovdanit në Beograd. Ai ka shtuar se
Serbia në Kosovë mund të mbrojë manastiret dhe përmendoret historike.
“Shumëkush në Serbi sot nuk do të shohë se në Kosovë më shumë se 90
për qind nuk janë qytetarë serbë dhe nuk e njohin Serbinë atdhe të tyre
dhe në atë territor nuk ka simbole të pranisë shtetërore të Serbisë” dhe
ka shtuar se “përmendja e rezolutës 1244 është kapje për kashte e të
mbyturit”.
“Të flitet për sovranitet e sovranitet nuk ka, dhe të zhvillohet
politikë mbrojtëse për atë që nuk e ke, nuk është mirë për Serbinë, për
popullin serb dhe për serbët në Kosovë”, ka thënë Draskvovic. /Koha/Telegrafi/