Europarlamentari e quan vrasës ministrin iranian

Ministri i Jashtëm iranian, Manouchehr Mottaki u quajt vrasës nga një anëtar i Parlamentit Evropian pak çaste pasi hyri në sallë.
Konservatori britanik Struan Stevenson mbante një fotografi të Neda Agha Soltan, studente e vrarë në protestat pas zgjedhjeve të kontestuara presidenciale të qershorit, dhe tha se Motaki ishte vrasës.

Disa deputetë tjerë nga Italia, Spanja dhe Estonia iu bashkuan Stivensonit për të protestuar kundër pranisë së Mottakit në seancën e mbyllur të komitetit për politikë të jashtme. /rel/