Buhler: Është koha të ndryshojë veriu i Mitrovicës

Komandanti i KFOR-it, gjeneralmajori Erhard Buhler, ka vizituar
Ekipin përgatitor komunal në Mitrovicën veriore (MPT). Ky ekip teknik
është formuar në mënyrë që ta mbështes themelimin e një komune të
Mitrovicës veriore.Gjeneralmajori Buhler është informuar në
lidhje me një numër projektesh, të implementuara dhe planifikuara, me
qëllim përmirësimin e jetës së përditshme të qytetarëve në Mitrovicën
veriore, thuhet në një komunikatë të KFOR-it.
Pas në diskutimi me anëtarët e MPT-së, komandanti i KFOR-it ka thënë
se është impresioniar nga profesionalizimi dhe përkushtimi i këtij
grupi. Ai ka shtuar se duke dëgjuar nevojat e njerëzve, MPT-ja ka
implementuar zgjidhje të cilat vijnë nga qytetarët, jo duke u imponuar
tek ta nga të tjerët.
“Është koha që të punohet për një të ardhme më të mirë për Mitrovicën
veriore. Ky duhet të jetë një vend ku fëmijët mund të rriten të sigurt,
ku bizneset lulëzojnë dhe vizitorët mund ta gëzojnë udhëtimin. Unë
plotësisht e mbështes këtë ekip ashtu siç e mbështes çdo individ apo
grup i cili në mënyrë paqësore kontribuon në përmirësimin e vendit”. /Telegrafi/