Deda: Kosova me fjalë në BE, por është larg

Diplomatët evropianë vazhdimisht përsërisin se Kosova ka një të ardhme evropiane, por vendi duket ende larg përfshirjes në proceset që do t‘i jepnin vërtet një të ardhme evropiane, i tha “Zërit të Amerikës” Ilir Deda, këshilltar i lartë politik i Presidentes së Kosovës, Atifete Jahjaga.

Ilir Deda, këshilltar i lartë politik i Presidentes së Kosovës, i cili ka marrë pjesë në një tryezë të rrumbullakët me temë “E ardhmja evropiane e Kosovës” në Washington, tha në një intervistë në studion e Zërit të Amerikës se një arsye e vonesave në integrimet evropiane të Kosovës është mungesa e unitetit brenda Bashkimit Evropian.

Nga ana tjetër, tha deda, integrimi evropian i Kosovës nuk mund të realizohet me një fqinj që ka pretendime territoriale ndaj saj.

Deda ka pasur takime të shumta në Departamentin e Shtetit si dhe në Kongresin amerikan. /Telegrafi/