SHBA: Kosova e para në listë për ndihmë financiare

Kosova, e pasuar nga Bosnja, prin në listën e shteteve që do të
përfitojnë më së shumti ndihma financiare për vitin 2012 nga Shtetet e
Bashkuara të Amerikës. Kosova do të përfitojë në mot nga SHBA-ja 65.7
milionë dollarë.Pason Serbia, në vendin e tretë, e më pas
Shqipëria, Maqedonia, Mali i Zi dhe në fund Kroacia. Kështu është
renditja që Departamenti amerikan i Shtetit ka dërguar në Kongres për
miratim.
“Suksesi i Kosovës si shtet i pavarur, shumetnik dhe demokratik është
i rëndësisë më të madhe për sigurinë dhe stabilitetin në Ballkan, rajon
që për SHBA-në ka rëndësi të veçantë strategjike, në mënyrë që Evropa
të jetë e plotë, e lirë dhe në paqe”, thuhet në propozimin e
Departamentit të Shtetit, raporton Indeksonline.
Ndihmat do të fokusohen në ndërtimin e institucioneve shtetërore dhe
të shoqërisë në përgjithësi, në mënyrë që të vazhdojë zhvillimi
ekonomik. /Telegrafi/