700 euro - paga mesatare në MFSK

Zyrtarët e Ministrisë së Forcës së Sigurisë së Kosovës (MFSK)
vazhdojnë të jenë të punësuarit më të privilegjuar në mesin e të gjitha
institucioneve publike. Ata paguhen pothuajse dyfish më shumë sesa
kolegët e tyre, ndërsa bëjnë afërsisht punën e njëjtë që bëjnë punëtorët
e administratës shtetërore.Pagat e shërbyesve civilë që
punojnë në MFSK mbahen sekret nga opinioni, por sipas një përllogaritje
që i ka bërë “Zëri” buxhetit të kësaj ministrie të ndarë për paga dhe
mëditje për vitin 2011 dhe numrit të të punësuarve në këtë dikaster, del
që mesatarja e një page të jetë diku mbi 700 euro.
Nga buxheti i vendit vetëm për pagat dhe mëditjet e të punësuarve në
Ministrinë e Forcës së Sigurisë janë ndarë 1 milion e 762 mijë e 949
euro, derisa numri i të punësuarve është 201. Edhe nëse krahasohet me
dikastere tjera qeveritare, zyrtarët e MFSK-së marrin paga pothuajse
përgjysmë më të mëdha sesa kolegët e tyre në ministri tjera.
Si shembull paga mesatare e një të punësuari në administratën e
Ministrisë së Mjedisit dhe Planifikimit Hapësinor është diku 350 euro,
ndërsa e atyre në Ministrinë e Drejtësisë mbi 450 euro.
Se zyrtarët e kësaj ministrie kanë pagat më të larta në sektorin
publik, e konfirmojnë edhe vetë zyrtarët e MFSK-së, mirëpo nuk japin
shifra të sakta. Sipas tyre, pagat e tyre janë të arsyeshme për faktin
se siç shprehen ata, Ministria e Forcës së Sigurisë është dikaster
specifik... /Telegrafi/