Hiqet dogana e makinave

Zëvendësministri i Financave, Alfred Rushaj, tha të hënën se taksa e qarkullimit dhe e mjetit nuk do të jenë siç janë sot, por do të ndryshojnë në një taksë të re e cila do të vilet nëpërmjet çmimit të karburantit.

Drafti për ndryshimet do t’i paraqitet fillimisht qeverisë dhe më pas do të shkojë në parlament për votim.

Në bazë të draftit të ri, të gjithë ata që do të të importojnë një makinë nga jashtë vendit, nuk do të paguajnë doganën, por një taksë të re e cila paguhet kur kolaudohet makina. Kjo taksë do të varet gjithashtu nga vjetërsia e makinës, raportoi Panorama./Telegrafi/