Për dy muaj arrestohen 85 persona

Policia e Kosovës dhe e EULEX-it, vlerësuan të martën se fushata “Mos i mbyll sytë” ka pasur efekt të mirë tek opinioni, ndërsa për dy muaj sa ka zgjatur kjo fushatë janë hapur 45 raste, janë arrestuar 85 persona, ndërsa nuk ka munguar as konfiskimi i substancave narkotike.

Sipas Bahri Shalës, shef i Drejtorisë kundër trafikimit të drogës, kjo fushatë ka pasur efekt të mirë tek opinioni.

Ndërkaq, zyrtari nga EULEX-i, Oliver Hoffman, tha se bashkëpunimi ndërmjet Policisë së Kosovës dhe EULEX-it për ta luftuar këtë dukuri negative është shumë i mirë, por sipas tij, për të pasur sukses më të madh duhet edhe ndihma e popullatës.

Prandaj, Hoffman bëri kërkoi që të denoncohen ata që merrem me tregtinë e narkotikëve. /Telegrafi/