Në Ohër diskutohet për infrastrukturën dhe energjinë

Në ditën e dytë të “Samiti i Ohrit 2011”, presidentët e
Maqedonisë, Shqipërisë, Kosovës dhe Malit të Zi, do të marrin pjesë në
Konferencën e tretë rajonale, pas asaj të mbajtur në Vlorë dhe Prizren.Nikoqiri
i takimit, presidenti Gjorgje Ivanov ka vlerësuar se vendet
pjesëmarrëse ndajnë vlera evropiane dhe vizion identik për ardhmërinë,
ndërsa prioritet i lartë për katër vendet është integrimi i përshpejtuar
në BE dhe NATO, raportojnë mediat.
Nga ky takim pritet të dalin iniciativa për projekte të reja rajonale, posaçërisht në lidhjet infrastrukturore dhe energjetike.
Ivanov fillimisht do të zhvillojë takime me presidentët Bamir Topi,
Atifete Jahjaga dhe Filip Vujanovic dhe më pas do organizohet një
konferencë e përbashkët për shtyp.
Ndryshe, MPB-ja ka ngritur nivelin e sigurisë me qëllim të lëvizjeve
dhe qarkullimit të delegacioneve për takimin e planifikuar dhe
aktivitetet programore të takimit rajonal.
Ky është samiti i tretë i katër presidentëve, pas atij të mbajtur në
Vlorë më 2009 dhe atij të mbajtur në Prizren më 2010. /Telegrafi/