Hoxhaj në vizitë dyditëshe në Bruksel

Ministri i punëve të jashtme i Kosovës, Enver Hoxhaj, po qëndron në një vizitë dy ditore në Bruksel.

Gjatë vizitës, ai pritet të ketë takime me udhëheqës të lartë të institucioneve të Bashkimit Evropian, ku do të diskutohet për avancimin e raporteve mes Republikës së Kosovës dhe BE-së dhe perspektivat integruese evropiane të Kosovës.

Zyra për informim e MPJ-së njofton se Hoxhaj të mërkurën do të takohet me eurodeputeten Ulrike Lunacek, dhe me personalitete të tjera, dhe do të mbajnë një fjalim në Komisionin për punë të jashtme të Parlamentit Evropian.

Gjatë vizitës dy ditore në Bruksel, ministri Hoxhaj ka në agjendë edhe takime tjera me zyrtarë të institucioneve të Bashkimit Evropian. /Telegrafi/