Vucic: Lidhje s’kam çka po bisedohet në Bruksel

Aleksandar Vucic, nënkryetari i Partisë Përparimtare serbe, nuk e di se çka do të ndodhë në shtator në bisedimet me Kosovën. “Lidhje nuk kam”, ka thënë ai. “As nuk e kam ditë çka kanë nënshkruar, e as çka kanë fol, e as deri ku kanë shkuar me bisedime. Si mund ta di kur kurrkush nuk flet e as nuk pyet”!
Për idenë e kryetarit të tij, Tomislav Nikolic, se për kushtëzimin “Kosovë ose BE” Serbia duhet të vendos me Referendum, ai thotë se “duhet të respektohet vullneti i popullit” dhe se për këtë "mund të ndryshohet edhe Kushtetuta e shtetit". Ndërkaq, në pyetjen e “VestiOnline” nëse opozita nuk ka forcë të thotë se çfarë të bëhet me Kosovës, prandaj përgjegjësinë po e bartë te qytetarët, Vucic përgjigjet: “Çka mendoni ju, se populli nuk e di se çka do. Sikur ata analfabetët nuk po dinë nëse e duan shtetin e tyre, e ata që janë gjoja pak më të lexuar po e dinë. Qëkur zëri i dikujt vlen sa i pesë të tjerëve”.

Vucic është konfuz, dhe në fund të intervistës thotë se nëse partia e tij vjen në pushtet, megjithatë nuk do të vije deri te referendumi.

“Ka qenë veç një fjalë (referendumi) në një intervistë dhe të gjithë qojnë pluhur. Kemi thënë se nëse na kushtëzojnë nëse duam në Evropë ose ta mbajmë Kosovën, atëherë do ta shpallim referendumin... Pastaj, pse është problem ta pyesim popullin për këtë çështje me rëndësi, kur në Perëndim me referendum vendosin për martesa të homoseksualëve dhe kanalizim”. /Telegrafi/