Vrasësit e erës së keqe

Era e keqe nga goja në shumicën e rasteve është pasoje e
mbetjeve të ushqimit në gojë ose baktereve. Shkaktar i erës së keqe mund
të jenë dhëmbët e sëmurë ose mishi i dhëmbëve, ndërsa rrallëherë ajo
është pasojë e problemeve të lukthit ose mushkërive.Duke
qenë se në shumicën e rasteve era e keqe është pasojë e asaj që hamë dhe
që mbetet në gojë, zgavra e gojës gjithmonë duhet të pastrohet. Për
këtë është e nevojshme që së paku dy herë në dite të lahen dhëmbët dhe
të tentohet largimi i të gjitha mbetjeve të ushqimit.

Përveç dhëmbëve, rregullisht duhet të pastrohet edhe gjuha, sepse
bakteret të cilat mbeten në të sjellin deri te era e keqe e gojës.
Prandaj, pastrimi i gjuhës le të jetë pjesë e ‘paketës’ së larjes së
dhëmbëve.

Erën e keqe mund ta shkaktojë edhe goja e thatë. Kjo mund të
rregullohet me njomjen e hapësirës së gojës me pështymë. Ajo ka veprim
antibakteror dhe largon pjesët e mbetura të ushqimit. Në fakt, era e
keqe e gojës në mëngjes vjen pikërisht nga zvogëlimi i prodhimit të
pështymës gjatë natës.

Nganjëherë kur jeni duke u ngutur dhe nuk arrini t’i pastroni dhëmbët
siç duhet, rekomandohet shpëlarja e gojës me ujë pas ushqimit, sepse
uji do të largojë pjesëzat e mbetura të ushqimit dhe do t’ua freskojë
aromën.

Në luftën kundër erës së keqe të gojës ndihmojnë edhe majdanozi, selino, karotat dhe kikirikët. /Telegrafi/