Edhe një e keqe mbi Japoninë, aktivizohet një vullkan

Tokio, 13 mars – Dy ditë pas tërmetit katastrofal dhe cunamit në verilindje, në jug të Japonisë sot është aktivizuar edhe një vullkan, i cili po hedh lavë dhe hi. Si njofton agjencia meteorologjike e Japonisë, lava dhe hiri nga vullkani Shimoedake po arrijnë lartësinë deri në 4 mijë metra. Vullkani që gjendet në një lartësi mbidetare prej 1 421 metra nuk është aktivizuar qe 50 vjet, ndërsa ka filluar të “zgjohet” nga fundi i muajit janar të këtij viti. Në shkurt autoritetet lokale kanë këshilluar banorët që jetojnë në lugina nën vullkan që të evakuohen. Ekspertët ende nuk e dinë nëse aktivizimi i këtij vullkani ka lidhje tërmetin e fundit katastrofal.