U mbajt koncerti memorial “Kosova për Japoninë”

Në Prishtinë të martën në mbrëmje u organizua koncerti memorial
“Kosova për Japoninë”, për të nderuar viktimat dhe popullin japonez pas
tërmetit dhe cunamit që goditi ketë vend në muajin mars.Në
tërmetin më të rëndë në historinë e Japonisë me një cunami pasues kanë
humbur jetë n mbi 15 mijë veta, ndërkaq rreth 20 mijë llogaritet ende si
të humbur.
Ky koncert u mbajt nën përkujdesjen e presidencës, ndërsa u organizua
nga Ministria e Punëve të Jashtme dhe Ministria Kulturës, Rinisë dhe
Sportit.
Me këtë koncert të mrekullueshëm të Filarmonisë së Kosovës, jemi këtu
të shprehim solidarizimin dhe të bashkëndjejmë dhimbjen me popullin
japonez dhe me Qeverinë e këtij vendi mik, si dhe të gjejmë kurajën dhe
forcën që t’i sanojmë më shpejt pasojat” tha presidentja e Republikë s
së Kosovë s, Atifete Jahjaga.
Jahjaga ndër të tjera tha se “populli i Kosovës e çmon shumë miqësinë
dhe solidaritetin, sepse vet ka kaluar nëpër momente të vështira dhe ne
posaçërisht e kujtojmë me mirënjohje përkrahjen e Japonisë për shtetin e
Kosovës, për rindërtimin, demokracinë dhe zhvillimin e vendit tonë”. /Telegrafi/