U mbajt takimi i radhës i ekspertëve Kosovë-Serbi

Nën kryesimin e zyrës së BE-së për ndërmjetësimin e dialogut teknik më 5 shtator 2011 në Bruksel është mbajtur takimi i radhës i grupit të ekspertëve për zbatimin e marrëveshjes për lirinë e lëvizjes në mes të delegacioneve nga Kosova dhe Serbia.

Në këtë takim një njoftimin për media të Kryeministrisë bëhet e ditur se janë diskutuar çështje të ndryshme për operacioanalizimin e marrëveshjes për lirinë e lëvizjes të arritur më 2 korrik 2011.

“Bazuar në këtë marrëveshje pritet që zbatimi i sajë të fillojë shumë shpejt, posa të përmbylljen përgatitjet e nevojshme teknike. Ndër çështjet kryesore në takim, që u diskutuan, ishin modalitetet e kalimeve kufitare për qytetarët, çështjet e tabelave të regjistrimit të automjeteve dhe zbatimi i polisave të sigurimeve kufitare”, thuhet në njoftim.

Në takim u theksua se kalimet kufitare duhet të jenë sa më të lehta dhe të mos marrin kohë në procedimin e qytetarëve nga të dyja palët, në mënyrë që qarkullimi të jetë i lirshëm dhe i papenguar.

Po ashtu u theksua se tabelat e regjistrimeve të automjeteve, që nuk janë në përputhje me ligjet në fuqi, nuk do të lejohen të qarkullojnë në territorin e Kosovës, duke filluar nga 1 nëntori 2011. /Telegrafi/