Dacic kërcënon

Ministri i punëve të Brendshme të Serbisë, Ivica Dacic, ka thënë se “Serbia duhet t’ia dërgoj një mesazh të qartë bashkësisë ndërkombëtare se e do paqen, se nuk do të luftojë, por se nuk do ta shikoj pogromin e popullit të vetë në Kosovë”.
Dacic u tha gazetarëve se “këtë skenar Serbia nuk mund ta shoh e qetë dhe se askujt kjo të mos i shkoj ndërmend ta bëj këtë”.

“Serbia duhet t’ju dërgoj mesazhe shqiptarëve se do paqe me ta, se do që ta përfundojë konfliktin e tashëm dhe ta gjejmë ndonjë zgjidhje, por jo që të provokojnë serbët duke u fshehur pas ‘vëllait të madh’. Serbia duhet t’i dërgoj mesazhe popullit të vetë që jeton në Kosovë, sepse këtë ua kemi borxh”, ka thënë ai, transmeton “Beta”.

Sipas tij, serbët në Kosovë “presin qëndrim të qartë nga Serbia se çfarë të ardhme mund të presin dhe se çfarë do të bëjë Serbia në variantet që mund të jenë të pavolitshme”. /Telegrafi/