Kosova ka të drejtë të shtrijë autoritetin

Zëvendësndihmës sekretari i shtetit amerikan, Philip Reeker ka thënë të mërkurën në Prishtinë se veriu është çështje ligjore dhe se autoritetet kosovare kanë të drejtë të shtrijnë autoritetin e tyre në pjesën veriore të vendit.
Pas takimit me kryeministrin Hashim Thaçi, Reeker tha se kjo është çështje e sundimit të ligjit.

Ai përjashtoi opsionin për ndarje të territorit të Kosovës, raportojnë mediat.

Zëvendësndihmës sekretari i shtetit amerikan pasdite do të vizitojë Graçanicën, ku do të takohet me liderët e komunitetit fetar serbë. /Telegrafi/