Vendet e Ballkanit kanë të drejtë të jenë në BE

Ministri i jashtëm i Çekisë, Karel Schwarzenberg ka
paralajmëruar se vendi i tij dhe shtetet e tjera anëtare të Grupit të
Vishegradit, do të përpiqen, që vendeve të Ballkanit Perëndimor, të mos u
paraqiten pengesa plotësuese për anëtarësim në BE dhe ka thënë se ky
është interes afatgjatë i Çekisë.“Procesi i zgjerimit nuk
duhet të ndalet me pranimin e Kroacisë, si anëtare e re. Të gjitha
vendet e Ballkanit Perëndimor, si vende evropiane, kanë të drejtë të
jenë anëtare të BE-së”, tha mbrëmë Chwarcenberg, dhe shtoi se “kjo është
çështje e kohës, e përgatitjeve, e plotësimit të kushteve, por duhet të
luftojmë që të mos u vihen kurrfarë pengesash të mëtejshme”.
Prej muajit korrik, Çekia e merr presidencës e radhës së këtij grupi,
ku gjenden edhe Sllovakia, Polonia dhe Hungaria. /Rel/Telegrafi/