KE në dialog me tre shtete të Ballkanit

Komisioneri Evropian për Zgjerimin, Stefan Fule, në një intervistë për gazetën vjeneze, “Die Presse” paralajmëroi të shtunën mundësinë për nisjen e dialogut deri në fund të këtij viti me tre vende të Ballkanit Perëndimor, por nuk ka përmendur Shqipërinë.

Sipas Fule, ky vit mund të jetë i rëndësishëm për tërë Ballkanin Perëndimor. “Komisioni duke u mbështetur në progresin e madh të arritur, deri në fund të vitit do rekomandojë fillimin e negociatave me BE-në, jo vetëm me një apo dy, por ndoshta tre vende”, ka thënë z. Fule.

Komisioneri Fule i është përgjigjur në mënyrë pohuese pyetjes nëse fjala është për Serbinë, Malin e Zi dhe Maqedoninë, duke shtuar se sivjet, Komisioni Evropian do ta përfundojë më herët raportin për përparimet që kanë bërë këto tri vende. /Telegrafi/