Mbështetet anëtarësimi i Ballkanit Perëndimor në BE

Mbështetet anëtarësimi i Ballkanit Perëndimor në BE

Ministrat e Jashtëm të katër vendeve nga Evropa lindore, anëtare të Bashkimit Evropian janë shprehur në takimin e tyre në Bratislavë në mbështetje të aspiratave të vendeve të Ballkanit Perëndimor për anëtarësim në BE.
Ministrat e Jashtëm të Sllovakisë, Republikës Çeke, Hungarisë, dhe Polonisë janë shprehur se zgjerimi i BE-së është një prioritet për ta dhe i bënë thirrje Shqipërisë, Bosnjës, Kroacisë, Maqedonisë, Malit të Zi, Serbisë e Kosovës të zgjidhin problemet bilaterale si një nga kushtet për t'u anëtarësuar në BE, njofton Deutsche Welle.

Në mënyrë specifike ata u shprehën se dëshirojnë që të fillojnë “pa vonesë” bisedimet mes Kosovës dhe Serbisë, të mbështetura nga BE. Ata u shprehën gjithashtu se bisedimet e anëtarësimit me Kroacinë duhet të kompletohen vitin e ardhshëm, kur Hungaria dhe Polonia të marrin presidencën e radhës së BE-së.