Serbia, problemi i Ballkanit

Lideri i Partisë Demokratike së Socialistëve të Malit të Zi,
Milo Djukanovic, ka thënë të hënën se problemi kryesor i Ballkanit është
politika serbe në rajon, dhe se ky problem mund të zgjidhet në qoftë se
Serbia e kupton se Kosova është shtet i pavarur. Djukanovic, i cili në
tetor të vitit 2008, si kryeministër, mori vendim që Mali i Zi ta njohë
Kosovën, ka thënë se Serbia duhet të fokusohet në të ardhmen e saj, e
ajo është perspektiva evropiane.Djukanovic ka thënë se
Beogradi duhet ta kuptojë se Kosova është shtet i pavarur, dhe se është i
pamundur rivizatimi i kufijve. Kjo e ka nxitur reagimin e menjëhershëm
të ministrit të jashtëm serb, Vuk Jeremic, i cili ka thënë se problemi
më i madh i Ballkanit nuk është Serbia, por është krimi i organizuar.
“Nuk është Serbia problemi më i madh. Në disa vitet e fundit, ajo ka
bërë shumë që marrëdhëniet në rajon të jenë më të mira”, tha Jeremiq,
duke folur para gazetarëve në Bruksel.
Por ish kryeministri i Malit të Zi ka thënë se Serbia do të duhej të
ishte diku, nëse jo lokomotivë, atëherë në fillim të kompozicionit.
“Nëse mbetet në fund, siç po ndodh tash, kjo shkakton vonesa”, ka
deklaruar Djukanovic. Ai ka thënë se është me rëndësi që Serbia t’i
kthehet ardhmërisë së saj evropiane, ndërsa Kosova të fokusohet në
konsolidimin e pavarësisë së saj, në funksionimin e institucioneve, në
vendosjen e sundimit të ligjit dhe në respektimin e të drejtave të
pakicave. /Telegrafi/