Te Dheu i Bardhë kalojnë vetëm transportuesit me leje të Kosovës

Drejtori i kompanisë “Lasta”, Predrag Ljukic, ka thënë të mërkurën se autobusët e saj janë kthyer prapa edhe të martën, por kjo linjë sipas tij nuk do të eliminohet.
Ai ka thënë se zyrtarët e kësaj kompanie do të kërkojnë udhëzime nga ministritë serbe se si të veprohet me vendimin e pushtetit në Kosovë, që transportuesve nga Serbia tu ndalohet hyrja në Kosovë nëse nuk kanë leje të lëshuara nga Ministria kosovare e Transportit.

Siç raporton “Beta”, kompania nga Vranja, “Jedinstvo-Kavim”, tashmë e ka ndërprerë linjën e rregullt Vranjë-Kamenicë, sepse po ashtu nuk i kanë lejet e duhura.

Tashti, linjat e rregullta të nga jugu i Serbisë për Kosovë po i mbajnë transportuesit shqiptarë nga Bujanoci dhe Prisheva, të cilët thonë se nuk kanë asnjë problem meqë i kanë nxjerrë lejet e nevojshme nga Ministra e Transportit në Kosovë. /Telegrafi