“Prishtina investon para në njohje”

kohët e fundit, Kosovën e kanë pranuar Benini, Nigeri, Guinea Conkraky dhe disa shtete të Karaibeve. Shefi i zyrës për informim i Qeverisë së Serbisë, Milivoje Mihajlovic, ka thënë se autoritetet në Prishtinë “kanë ndarë shumë para për ringjallen e aksionit për pranimin e Kosovës”.

Për të, këto janë shtete të vogla që nuk janë të rëndësishme për të ndikuar në përmasa botërore dhe se pranimi nga to “është pasojë e presionit të lobimit nga Perëndimi”.

“Bartës i aksioneve të tilla në Prishtinë është Behgjet Pacolli që për këtë qëllim shpenzon shumë para”, ka thënë Mihajovic për ditoren “Politika”.

Sipas tij, shtete të rëndësishme dhe të forta që nuk e kanë pranuar Kosovën janë ato të Amerikës Latine, Rusia, India dhe Kina.

“Këto janë shtete serioze, me ndikim të shtuar ekonomik dhe politik dhe qeveritë e tyre e dinë se pranimi i pavarësisë së Kosovës do të thotë shkelje serioze e të drejtës ndërkombëtare”.

Mihajlovic thotë se momentalisht po bëhet një luftë e qetë diplomatike, në njërën anë e Prishtinës dhe e shteteve perëndimore, e në anën tjetër ajo e Serbisë.

“Tash për tash ne po fitojmë në këtë luftë”, ka thënë ai.

“Nëse ju kujtohet, nga qendrat e forta në Evropë dhe SHBA është menduar se brenda muajit të shpalljes së pavarësisë 100 shtete do ta pranojnë Kosovën dhe kjo është trajtuar si premtim i sigurt, por kjo nuk ndodhi. Kryesorja është që statusi i Kosovës nuk mund të zgjidhet kurrë pa Serbin. /Telegrafi/