Çitaku vizitë në Britaninë e Madhe

Ministrja e Integrimit Evropian, Vlora Çitaku, do të realizojë një vizitë zyrtare disaditore në Londër, ku do të takohet me zyrtarë të lartë shtetërorë në Mbretërinë e Bashkuar me qëllim të bashkëpunimit rreth agjendës evropiane, marrjes së udhërrëfyesit për liberalizmin e vizave për Kosovën, si dhe koordinimit sa më të mirë rreth gjithë procesit të integrimit evropian.
Në Londër, Çitaku do të ketë takime me zyrtarë të lartë shtetërorë në Mbretërinë e Bashkuar, ndër ta edhe me ministrin për Evropë, David Lidington.

Gjatë kësaj vizite ministren do ta shoqërojë Sekretari i përgjithshëm i Ministrisë së Integrimit, Edon Cana dhe zyrtarë tjerë të kabinetit. /Telegrafi/