Çitaku më e shpejtë se Thaçi

Ministrja e Integrimeve Evropiane, Vlora Çitaku, tha se Kosova
do të përfshihet në procesin e liberalizimit të vizave në një afat edhe
më të shkurtër se ai që dikur e ka deklaruar shefi i saj, Hashim Thaçi.Këto komente, ministrja e Integrimeve i bëri pas takimit të gjashtë të Këshillit Ministror për Integrim Evropian.
Çitaku, tha se Kosova pret shumë shpejt marrjen e Udhërrëfyesit për
liberalizim të vizave, dhe sipas saj jo për 15 muaj por për një periudhë
edhe me të shpjet kosovarët do të lëvizin lirshëm.
Por ministrja e Integrimeve, tha se nuk e di kur do merret ky
udhërrëfyes pasi nuk është në mundësinë e institucioneve të Kosovës. Ajo
çka mund të bëjnë institucionet e Kosovës, sipas Çitakut, është që të
punojnë në arritjen e standardeve që kërkon BE-ja dhe kjo sipas saj
është duke u bërë, duke filluar nga rregullimi i legjislacionit.
Çitaku tha se përparësia e integrimeve lidhet edhe me vullnetin e të
gjithëve në Kosovë që kjo të arrihet sa më shpejtë. /Telegrafi/