Aksioni përfundon pa arrestime

Kryetari i komunës paralele të Zubin-Potokut, Slavisa Ristic, ka thënë se ka përfunduar aksioni i EULEX-it në atë rajon dhe se askush nuk është arrestuar.

EULEX-i të enjten në mëngjes ka nisur kërkimet në terren në kuadër të hetimeve për vrasjen e policit të njësisë ROSU, më 26 korrik të këtij viti.

Gjatë aksionit, EULEX ka bllokuar rrugën magjistrale Mitrovicë-Ribariq, te Zupçi, ndërsa KFOR-i rrugët dytësore.

Gjatë kësaj kohe, serbët nga Kolashini i Ibrit janë mbledhur një kilometër larg pjesëtarëve të EULEX-it për të bllokuar rrugët. Siç raporton Beta, gjatë aksionit të sotshëm nuk ka pas incidente. /Telegrafi/