Rocen: Hapja e ambasadës, më shumë çështje financiare

Ministri i Jashtëm i Malit të Zi, Milan Rocen, në një intervistë për agjencinë e lajmeve Reuters, ka sqaruar se hapja e ambasadës së vendit të tij në Kosovë është më shumë një çështje financiare sesa politike.

Ai ka thënë se hapja e ambasadës së Malit të Zi në Prishtinë, nuk do të duhej të përkeqësonte marrëdhëniet me Serbinë, meqenëse është një hap i zakonshëm në marrëdhëniet e shkëlqyera që ka Mali i Zi me Kosovën.

Nga ana tjetër, Rocen ka theksuar se Mali i Zi pret të nisë bisedimet për anëtarësim në Bashkimin Evropian në vitin 2012, pas miratimit të një ligji të ri për zgjedhjet, në përputhje me instruksionet e Komisionit Evropian. /Telegrafi/