Deger: Në veri duhet të jenë doganierët shqiptarë

Shefi i delegacionit të BE-së në Serbi, Vincent Deger, ka thënë se nuk ka arsye që kalimet kufitare në Bërnjak dhe Jarinje të trajtohen ndryshe nga kufijtë tjetër të Kosovës, ndaj aty duhet të ketë edhe shqiptarë.

“Zgjidhja është që doganierët e EULEX-it të veprojnë dhe të marrin vendime në ato kalime, ndërsa si në të gjitha kalimet tjera, edhe aty duhet të ketë doganierë shqiptarë”, ka Deger në festimin e 15 vjetorit të ditores Blic, redaktor i politikës i së cilës ishte një kohë.

Deger ka thënë se duhet të zgjidhen problemet në lidhje me vulat doganore, për çka duhet të respektohet marrëveshja të cilën Prishtina dhe Beogradi e kanë arritur më 2 shtator.

“Interes është të hiqet embargo, të nisë liria e qarkullimit të mallrave dhe njerëzve dhe të ndërtohen kapacitetet të cilat më herët nuk kanë ekzistuar - e kjo është që të zgjidhet tregtia ilegale”, ka thënë Deger.