Anijet luftarake izraelite në ndjekje të anijes me ndihma për Gazën

Tre anije luftarake izraelite janë vënë në ndjekje të një trageti irlandez, i cili me ndihmat humanitare në bord po i afrohet Rripit të rrethuar të Gazës. Në mesin e rreth 20 aktivistëve në bordin e anijes ndodhet edhe nobelistja Mairead Maguire nga Irlanda e Veriut.
Izraeli ka paralajmëruar se në rast nevoje do të ndalojë anijen pavarësisht kritikave ndërkombëtare pas aksionit të përgjakshëm ushtarak kundër flotës humanitare me ndihma për palestinezët. Si pasojë e këtij sulmi jetën patën humbur nëntë aktivistë turq.

Ndërkohë, Shtetet e Bashkuara të Amerikës kanë kërkuar nga udhëheqja izraelite që të zbusin bllokadën ndaj Rripit të Gazës. Së bashku me autoritetet autonome palestineze do të kërkohen mundësi të reja për dërgimin e ndihmave humanitare në rajonet e kontrolluara nga Hamasi radikal-islamik. /DW/