Shtetet aziatike dënojnë bllokadën izraelite të Rripit të Gazës

Në një konferencë rajonale për sigurinë në Stamboll pothuajse 20 vende nga Lindja e Mesme dhe Azia dënuan Izraelin për shkak të aksionit ushtarak vrasës kundër flotës detare me ndihma për Rripin e Gazës.
Sulmi ndaj anijeve në ujërat ndërkombëtare është një shkelje skandaloze e së drejtës ndërkombëtare. Qeveria izraelite duhet t'i japë fund bllokadës jonjerëzore të Rripit të Gazës, thuhet më tej në deklaratën e përbashkët.

Në konferencën e sigurisë, që zhvilloi punimet në Stamboll, morën pjesë edhe presidenti i Iranit Mahmoud Ahmadinejad dhe presidenti i palestinezëve Mahmud Abbas.

Izraeli përfaqësohej në konferencë nga ambasadori i tij në Turqi. /DW/