Organizohet Universiada Mbarëkombëtare “Prishtina 2011”

Universiteti i Prishtinës si dhe Parlamenti Studentor për herë të parë organizojnë Universiadën Mbarëkombëtare “Prishtina 2011”.

Me këtë rast, studentët nga universitetet e hapësirave mbarëkombëtare do t’i dëshmojnë shkathtësitë e tyre sportive në futboll, volejboll, basketboll, atletikë, shah, ping-pong etj.

Në njoftimin për media bëhet e ditur se ceremonia e hapjes së Universiadës së parë Mbarëkombëtare “Prishtina 2011” zhvillohet nesër, më 28 shtator, në orën 10, në hapësirat e Fakultetit të Filologjisë.

Ky manifestim do të zgjasë deri më 2 tetor, kur zhvillohet ceremonia e mbylljes. /Telegrafi/