Serbët sulmuan shqiptarët që pastronin Ibrin

Një grup shqiptarësh, që ishin duke pastruar shtratin e lumit Ibër, në kuadër të programit të USAID-it, janë sulmuar rreth orës 11:00 nga një grup serbësh.

Punëtorët e sulmuar kanë thënë se sulmuesit ishin të maskuar, se kanë ardhur me tri vetura dhe se kanë filluar sulmet pa asnjë paralajmërim, Punëtorët, pas sulmit, janë hedhur në ujë. Njëri nga ta është i lënduar seriozisht, por nuk dihet se nga ç’mjet.
Serbët me këtë rast kanë përdorur edhe armët e zjarrit, raporton “Koha.net”.

Policia ne Mitrovicë e ka konfirmuar incidentin, duke mos dhënë detaje tjetra.

Burime të gazetës “Koha Ditore” njoftojnë se janë rrahur brutalisht edhe shqiptarët që ishin duke punuar në lagjen e Boshnjakëve, në vendin e quajtur Qeshmellugë. Të lënduarit janë transportuar për në spitalin e jugut të Mitrovicës.

Pas këtij incident, është tensionuar situata në lagjen e boshnjakëve, ku ka edhe demolim të veturave. /Telegrafi/