Jahjaga: Sundimi i ligjit, prioritet i Kosovës

Raportin e Progresit, të cilin sapo e kemi marrë nga Komisioni Evropian, duhet ta shohim si një dokument që na ndihmon të përqendrohemi në fushat në të cilat kemi ngecur, ka thënë presidentja e Kosovës, Atifete Jahjaga, në fjalimin e saj në Kuvendin Zgjedhor të Odës së Avokatëve të Kosovës.

Sipas saj, sundimi i rendit dhe ligjit duhet të jetë prioriteti kryesor i të gjitha institucioneve të Kosovës.

“Forcimi i shtetit të së drejtës fillon me respektin që ju si avokatë e tregoni për ligjin dhe mbrojtjen që ai ofron, e vazhdon me përpjekjet tuaja maksimale që qytetarëve t'ua siguroni qasjen në drejtësi”, ka thënë Jahjaga.

“Me punën dhe përkushtimin tuaj ju do t'i inkurajoni mijëra palë të kontesteve dhe halleve të ndryshme në mbarë vendin të gjejnë mbështetje te ligji dhe te institucionet, sepse ato ekzistojnë për t'i mbrojtur ata”. /Telegrafi/