Dy barna eksperimentale të suksesshme kundër kancerit?

Dy barna eksperimentale të suksesshme kundër kancerit?


Shkencëtarët amerikanë thonë se një ilaç i ri eksperimental
ka përmirësuar ndjeshëm mbijetesën për pacientët me melanomë të
përparuar, që është forma më vdekjeprurëse e kancerit të lëkurës.


Shkencëtarët
që po merrnin pjesë në një konferencë, të shtunën në Chicago publikuan
përfundimet e tyre rreth barit, ipilimumab, të prodhuar nga kompania
Bristol-Myers Squibb. Ata i bazuan gjetjet e tyre në një studim që
përfshinte 676 njerëz nga mbarë bota me melanomë të avancuar.
Studiuesit thanë se afro 25 për qind e atyre që u trajtuan me ilaçin
eksperimental ishin gjallë pas dy vjetësh. Ata gjithashtu thanë se
mbijetesa mesatare e pacientëve që marrin ilaçin ipilimumab ishte 10
muaj, krahasuar me vetëm gjashtë muaj për të tjerët në grupin studimor.
Po ashtu, shkencëtarët në konferencë thanë se një tjetër ilaç
eksperimental i njohur si crizontinib, bëri që tumoret të tkurren në
pacientët me një formë të rrallë kanceri të mushkërive të shkaktuar nga
një mutacion specifik gjenetik.
Shkencëtarët thanë se më shumë se gjysma e 82 pacientëve në provën
klinike vunë re tkurrjen e tumoreve pas thuajse dy muajsh trajtimi me
ilaçin crizotinib. Ata po ashtu thanë se në rreth 90 për qind të
rasteve, sëmundja nuk bëri përparime