Izraeli vret “polumbarët”

Ushtria izraelite thotë se ka vrarë pesë militantë të armatosur palestinezë. Ajo tha se ata po përgatiteshin për të ndërmarrë një sulm nga deti mbi territorin izraelit.
Sipas ushtrisë izraelite, militantët palestinezë kishin pajisje zhytësi dhe gjendeshin në një barkë buzë detit të Gazës kur u qëlluan. Ushtria izraelite hapi zjarr, duke i vrarë ata.

Krahu ushtarak i lëvizjes palestineze, Fatah, tha se katër anëtarë të tij ishin vrarë, ndërsa një tjetër rezultonte i zhdukur.

Incidenti vjen në kohën kur presidenti palestinez, Mahmud Abbas, është në Turqi për samitin rajonal të sigurisë në vazhdën e reagimeve ndërkombëtare për vrasjen e nëntë aktivistëve turq nga Izraeli në një anije me ndihma që ishte nisur në Gaza.

Izraeli kontrollon dhe e mban të pushtuar bregdetin pranë Gazës edhe pas tërheqjes së forcave të tij nga territori në vitin 2005.

Nuk është e pazakontë që ushtria izraelite të qëllojë më armë në drejtim të barkave të peshkimit, të cilat beson se po lundrojnë shumë larg detit. /bbc/