Automjeti evropian i vitit bëhet limuzinë

Volkswagen ka paraqitur modelin e vet të parë të zhvilluar veçanërisht për tregun rus, versionin limuzinë të Polos i cili në versionin hatchback është shpallur automjeti evropian i vitit.
Ani pse rusët kanë qenë të parët të cilët e kanë pranuar limuzinën Polo, kjo nuk do të thotë që ata kanë të drejta ekskluzive mbi të, duke marrë parasysh se ky lloj i automjeti është jashtëzakonisht i popullarizuar në tregjet e Evropës lindore dhe jugperëndimore.

Limuzina Polo, para së gjithash për shkak të çmimit të lirë i cili në Rusi do fillon nga 10.000 euro, do të ofrohet ekskluzivisht në motor 1.6 litërsh atmosferik me benzinë me 105 kuaj fuqi. Motori është i çiftëzuar me marshin mekanik prej gjashtë shpejtësish apo me marsh automatik sekuencial me gjashtë
shpejtësi.

Volkswagen shpreson se me lansimin e versionit limuzinë të Polos në Rusi do të arrijë tek shitja e planifikuar vjetore prej 800.000 njësive.