Përpjekjet për të vënë nën kontroll rrjedhjen e naftës po përparojnë

Administrata Obama thotë se përpjekjet për kontrollin e rrjedhjes së naftës në Gjirin e Meksikës po përparojnë dhe çdo ditë mbushen fuçi të reja me naftën e derdhur.
Në një konferencë shtypi në Washington, admirali i Rojës Bregdetare të SHBA, Thad Allen, tha se gjatë 24 orëve të fundit janë mbushur rreth 15 mijë fuçi me naftë, një shifër kjo më e lartë se ajo e djeshmja, që ishte 11 mijë fuçi.

Allen drejton përpjekjet e qeverisë për zbutjen e krizës. Ai thotë se anijet në sipërfaqe që mbledhin naftën ende nuk kanë arritur kapacitetin maksimal të thithjes.

Nafta vazhdon të rrjedhë nga pusi i çarë dhe Allen thotë se ekspertët e drejtuar nga Instituti amerikan i Gjeologjisë po përpiqet të përcaktojnë sasinë e saktë të naftës që derdhet në Gjirin e Meksikës. /VoA/