Facebook po teston një dizajn të ri

Pamje të dizajnit të ri të Facebook, i cili është duke testuar disa opsione të reja sa i përket pamjes, kanë rrjedh në internet.
Në pamjet e dizajnit të ri i cili po testohet, duket se do të përfshihen edhe disa ndryshime të reja në pjesën e sipërme të faqes, përkatësisht funksionin News Feed.

Ndryshimet më të mëdha, duket se do të jenë në opsionet për shpërndarjen e fotografive, bashkë me disa ndryshime tjera në rifreskimin e statusit (Status Updates), si dhe opsionet e avancuara për kontrollin e privatësisë së profilit tuaj.

Edhe Facebook i ka konfirmuar ndryshimet e reja, duke thënë se “ne jemi duke testuar aktualisht variacionet në dizajn dhe në opsionin Publisher. Bashkë me funksionet e shumta, ne gjithnjë jemi duke u munduar të testojmë performancën dhe përdorshmërinë e tyre” thuhet në njoftimin jo-zyrtar të Facebook.