Belgjikë: Nacionalistët flamandë fitojnë zgjedhjet parlamentare

Nacionalistët flamandë kanë fituar zgjedhjet e parakohshme në Belgjikë. Pas numërimit të gati të gjitha votave "Aleanca e re Flamande (N-VA) ka fituar sipas rezultateve të Ministrisë së Brendshme 28 vende nga 150 gjithsej që ka parlamenti.
Kjo aleancë synon një Flandër autonome. Kryetari i tyre Bart De Wever deklaroi tashmë fitoren e nacionalistëve në zgjedhje.

Koalicioni i mëhershëm qeveritar me kristiandemokratët dhe liberalët ka pësuar një humbje të rëndë. Në Valoninë frankofone në jug të vendit, socialistët kanë dalë partia më e fortë.

Formimi i qeverisë në Belgjikë pritet të jetë i vështirë. Zgjedhjet e parakohshme u bënë të domosdoshme, pasi në prill qeveria e koalicionit u shpërbë për shkak të grindjes mes flamandëve që flasin holandishten dhe valonëve frankofonë.

Flandra përbën 60% të Belgjikës me 10.5 milionë banorë dhe është një rajon më i fuqishëm ekonomikisht krahasuar me Valoninë. /DW/