Maqedoni: MPB ndëshkon 19 policë

Ministria e Punëve të Brendshme të Maqedonisë ka shpallur dënime për 19 policë, për shkelje të procedurës së punës dhe mos respektim të detyrës. Pjesa më e madhe e tyre janë dënuar me para, duke iu hequr pjesë nga rroga, dy veta me paralajmërim me shkrim, ndërsa njëri polic është shkarkuar nga puna.
Policët gjatë kryerjes së detyrës së tyre janë kapur duke fjetur, duke konsumuar alkool, ndonjëri prej tyre kishte grabitur dhe njëri kishte shtënë me armë në ajër për frikësim, etj.

Shumica prej të dënuarve janë kapur derisa po bënin gjumë në orarin e punës, edhe atë pesë pjesëtarë të policisë.

Katër të tjerë kishin ardhur në punë në gjendje të dehur, ndërsa njëri polic është dënuar pasi që kishte lejuar që disa pjesëmarrës në një shou real në Shkup të fotografohen në veturën zyrtare të policisë.

Ndërsa, një nëpunës policie, për shkak se kishte kryer vjedhje, është pushuar plotësisht nga puna. /INA/