Rrjedhin fotot e para të CL klasës së re

Ky ripërpunim pos ndryshimeve minimale nga pikëpamja e dizajnit dhe motorëve të ri do të sjell edhe emrin e ri. Në të ardhmen nuk do të bëhet fjalë për CL, por për klasën S Coupe.
Bëhet fjalë për pajtimin me vendimet e marra më herët për ndryshimin e nomenklaturës, prandaj kupeja më e madhe e Mercedes tani edhe me emër do të “çiftëzohet” me limuzinën më të madhe.

Sa i përket pikëpamjes së jashtme, në dy fotografitë e paraqitura dhe të vetmen tani për tani, mund të shihet maska e re e motorit, dritat e ridizajnuara si dhe ndriçimi LED në to gjatë ditës. Supozojmë se ndryshimet e ngjashme do të përfshijnë edhe pjesën e pasme të automjetit, e ndryshimet minimale priten edhe në kabinën e udhëtarëve.



Risitë tek motorët janë diç më të mëdha. Në fakt, modeli bazik në të ardhmen do të duhej të futej në lëvizje nga motori 4.7 litërsh bi-turbo V8 me 440 kuaj fuqi, e deritanishmi CL63, e tani e tutje sigurisht S63 Coupe AMG do të futet në lëvizje nga motori 5.5 litërsh bi-turbo V8. Ky motor do të vjen në dy versione të fuqishme. I pari do të zhvillojë 550 KF, e i dyti prej 580 KF. S65 Coupe do të duhej të mbante motorin ekzistues bi-turbo V12.

Dalja e kupesë së rifreskuar nga Shtutgarti pritet deri në fund të këtij viti, e paraqitja e parë zyrtare në publik pritet të ndodhë në fillim të tetorit në panairin e automjeteve në Paris.