Prizreni edhe tre muaj afat për ndryshimin e logos

Prizreni edhe tre muaj afat për ndryshimin e logos

Gjykata Kushtetuese e Kosovës i ka kthyer përgjigje pozitive kërkesës së kryetarit të Prizrenit, Ramadan Muja që t’i jepet afat edhe tre muaj për t’i bërë ndryshimet e kërkuara në logon e kësaj komune.
Këtë logo Gjykata Kushtetuese e ka cilësuar si antikushteuese përderisa në të nuk janë përfaqësuar edhe komunitetet pakicë.

Ymer Berisha, shef i Zyrës për informim në komunën e Prizrenit ka konfirmuar se Gjykata ka pranuar kërkesën e kryetarit Muja që t’i jepet afat shtesë kësaj komune për të përshtatur logon e komunës, koform dispozitave ligjore.

Ndryshe,Gjykata Kushtetuese pas shqyrtimit të ankesës së parashtruar nga zëvendëskryesuesi i komunës së Prizrenit, Qemajl Kurtishi, më 18 mars të këtij viti, pati vlerësuar se emblema dhe neni 7 i Statutit të komunës së Prizrenit nuk janë në përputhje me Kushtetutën, meqë shkelen të drejtat e komuniteteve pakicë. /Koha/