IPKO ofron pakon Premium edhe për një muaj

Pas lansimit të kanaleve televizive në formatin më të fundit
teknologjik – High Definition dhe ofrimit të shërbimit Pay Per View,
IPKO dhe DigitAlb, që nga e enjtja kanë bërë të mundur abonimin në pakot
Premium dhe DUO Premium, për vetëm një muaj.Pako Premium, e
cila përmban kanale për fëmijë, informacion, muzikë, dokumentarë,
filma, kanale të mirënjohura ndërkombëtare, të gjitha kanalet e
SuperSport dhe SuperSport Kosova, si dhe shumë kanale të tjera
atraktive, prej sot ofron mundësinë e abonimit edhe vetëm për një muaj,
ndërsa çmimi i saj mujor është 24.95 euro.
Ndërsa, abonuesit në pakon familjare DUO Premium, e cila është
kombinim i pakos ekzistuese familjare të televizionit digjital, dhe
internetit me 1 Mbps, kushton 32.95 euro në muaj.
IPKO dhe Digitalb kanë siguruar të drejtat për transmetimin e Ligës
Angleze, Spanjolle, Seria A, Ligën e Kampionëve, Gjermane, Holandeze,
Portugeze, Shqiptare, Copa Del Rey në Spanjë, si dhe shumë ngjarjeve të
tjera sportive, si NBA, Moto GP, Wimbledon HD, HBO World Boxing, ATP
1000, Golfing World, kampionatin botëror në Basketboll, Formula 1 për më
shumë se tri vjet.
Televizioni kabllor digjital i ofruar nga kompania IPKO dhe Digitalb
është oferta më atraktive televizive në treg, sa i përket fotografisë,
zërit, kualitetit të kanaleve, përmbajtjes ekskluzive, fuqisë së
sinjalit, dhe risive që ajo sjell për shikuesit. /Telegrafi/